Surprise

यी हुन् साँचो प्रेमका १५ निसानी !

तपाईंलाई कुनै न कुनै समय साँचो प्रेमको अनुभव भएको हुनसक्छ, यदि भएको छैन भने भविश्यमा होला । मानिसले जीवनमा एक न एक पटक सच्चा प्रेमको अनुभव गर्छ । जब हाम्रो मनमा यस्तो फिलिङ्स आउँछ तब लाग्न थाल्छ, ‘केवल यही एक कुरा साँचो हो, अरु सबै झुट ।’

कसैसँग प्यार बसेपछि मानिस आफ्ना सारा सपनाहरुलाई मनमनमै उसैसँग शेयर गर्न थाल्छ । के यही माया साँचो माया हो ? कतै आकर्षणमात्रै त होइन ?

हामीले यहाँ केही यस्ता कुराहरु उल्लेख गरेका छौं, जसलाई साँचो मायाको निसानी मानिन्छ । जुन कुरा तपाईंले पनि जीवनमा कहिले न कहिले फिल गर्नुभएको हुन सक्छ । कतिपयलाई सच्चा प्यार जुनसुकै उमेरमा पनि हुन सक्छ ।

१. के तपाईं एक्लै सुनसान सडकमा हिँडिरहँदा तपाईंको दिमागमा मात्र उसको याद आउँछ । तपाईंको आसपासमा धेरै चिजहरु हुनसक्छन्, तर तपाईंको विचारमा मात्र ऊ ।

२. के आफ्नो फेवरेट लभ सङ सुन्दा मात्र उसमा हराउनुहुन्छ । त्यो गीतका हरेक शव्द आफूलाई नै ध्यानमा राखेर लेखिएको जस्तो पनि लाग्न सक्छ ।

३. जब तपाईंलाई उसका हरेक गल्ती पनि राम्रो लाग्न थाल्छ । उसका गल्ती, कमजोरीहरुसँग पनि प्रेम गर्न थाल्नुहुन्छ ।

४. उससँग लामो डिस्कस पछि पनि अन्त्यमा सबै भूलेर कूल हुनुहुन्छ ।

५. के तपाईं उसको अनुपस्थितिमा आफूलाई अधूरो महसुस गर्नुहुन्छ ? चाहे दर्जनौं मानिस आफ्नो अघि किन नहुन्, उनीहरु कसैको मतलव हुँदैन ।

६. उसलाई दु:ख लाग्दा तपाईं पनि एकदम निरास हुनुहुन्छ, उसको दु:ख र पीडा बरु आफूमा सरोस् भन्ने पनि लाग्ला ।

७. तपाईंलाई आफ्नो प्रेमसँग एकदमै भरोसा छ । उसँग टाढा हुनुपर्छ, उसलाई गुमाउनु पर्ला भन्ने पनि लाग्दैन ? जब तपाईं हर समय उसैसँग हुन्छु, भन्ने सोच्न थाल्नुहुन्छ ।

८. के तपाईंलाई उसका लागि कुनै चिज गुमाउनु पर्दासमेत थोरै पनि नराम्रो लाग्दैन ?

९. जब तपाईं उससँग झगडा गर्नुहुन्छ, एकदमै घमासान झगडा पर्छ । सोही अवस्थामा तपाईंको कोही आफ्नो मान्छेले उसलाई थोरै ठूलो स्वरले बोलेको समेत मन पर्दैन ? तपाईं त्यो दोस्रो व्यक्तिसँगै प्रतिवाद गर्न थाल्नुहुन्छ ।

१०. तपाईं जे गर्नुहुन्छ हामीकै भावनाले गर्न थाल्नुभयो, जब उससँग भेट भयो ‘म’ भन्ने शव्दलाई नै डिलिट पो गरिदिनु भयो कि !

११. कहिले काहीँ सार्वजनिक स्थानमा पनि तपाईंहरु एक आपसमा जिस्किनुहुन्छ, तर तपाईंहरुलाई यो सार्वजनिक स्थान हो, यहाँ हामीभन्दा बाहेक अरु पनि छन् भन्ने फिल नै हुँदैन ।

१२. के तपाईंले उससँग भेटेपछि आफ्नो फेसबुक एकाउन्टमा काफी बदलाव गरिसक्नुभयो ? जस्तै प्रोफाईल तस्वीर परिवर्तन, रोमान्टिक गीत अपडेट, पोजेटिभ कुराकानी र उससँग जोडिएका कुराहरु शेयर गर्न थाल्नु भयो कि !

१३. अब तपाईंलाई काहीँ पनि एक्लै जान मन लाग्दैन । एक्लै हुने बित्तिकै उसकै चाह हुन्छ ?

१४. जब तपाईं आफैंले आफैंलाई यो मेरा लागि ऊ सबैभन्दा उत्तम विकल्प हो भन्ने सुझाव दिन थाल्नुहुन्छ । ऊ नै मेरा लागि सबैभन्दा उत्तम हो र मेरो हुनका लागि डिजर्व गर्छ भनेर मनले भन्छ ।

१५. यतिबेलासम्म त साथीहरु तपाईंलाई भन्न थालिसक्नेछन् तिमीहरु कहिले लगन गाँठो कस्दै छौ ? ख्याल गर्नुस् आफ्नाहरुले यत्तिकै तपाईंलाई यस्तो भन्दैनन् ।

अब ढिला नगर्नुस्, उमेर पुगेको भए पञ्चेबाजा बजाए हुन्छ । तर, आफ्नो करियरलाई भने पक्कै पनि ख्याल गर्नुहोला ।

source: sajhapost