ipo

चन्द्रागिरीको आईपीओ (chandragiri IPO) अब सर्वसाधारणलाई, कति गर्ने आवेदन ?

चन्द्रागिरी हिल्सले सर्वसाधारणका लागि आईपीओ निष्कासन गरेको छ । सर्वसाधारणले पुस २४ गतेदेखि २८ गतेसम्म भर्न सकिने जनाएको हो । यस अघि आयोजना क्षेत्रका प्रभावित एवं स्थानीयबासीका लागि यसअघि नै जारी भईसकेको सो सेयर अब सर्वसाधारणका लागि खुल्ला हुन लागेको हो ।

चन्द्रगिरीले चुक्ता पुँजीको १० प्रतिशतले हुने १५ करोड ३४ लाख ९ हजार १ सय रुपैयाँ बराबरको १५ लाख ३४ हजार ९ सय १० कित्ता सेयर जारी गर्न लागेको हो । यसअघि स्थानीयबासीका लागि २ प्रतिशत सेयर बिक्री गरिसकेको छ । सर्वसाधारण समूहका आवेदकले यो सेयर लक्की ड्र मार्फत् १० कित्ताको दरले प्राप्त गर्ने निश्चित जस्तै छ । त्यसैले प्रत्येक आवेदकले १० कित्ताको लागि आवेदन गर्दा प्रर्याप्त हुने अवस्था देखिन्छ । सो कम्पनीले आफ्नो बिक्री प्रबन्धकको रुपमा ग्लोबल आईएमई क्यापिटलाई नियुक्त गरिसकेको छ ।

सर्वसाधारणले नेपाल धितोपत्र बोर्डबाट सि आस्बा अनुमति प्राप्त बैंक तथा वित्तीय संस्था, तिनका शाखा कार्यालय र मेरोशेयरको वेबसाईट https://meroshare.cdsc.com.np बाट आवेदन दिन सक्नेछन्।

upcoming ipo in Nepal